Klínísk Sálgæsla

Ragnheiður Katla Laufdal Ólafsdóttir, sálgætir, hefur víðtæka menntun og reynslu á sviði sálgæslu og ráðgjafar. Hún hefur bæði guðfræði (M.A Pastoral Ministry) og sálfræðimenntun (M.A Clinical Mental Health Counseling) og fullgild réttindi í klínískri sálgæslu (CPE). Hún starfaði sem prestur Boðunarkirkjunnar frá 2006-2011, hefur sinnt einstaklings, fjölskyldu og hjónabandsráðgjöf á einkastofu auk þess að starfa sem sjúkrahúsprestur hjá AdventHealth, Tampa og Ocala, Florida 2020-2023 og sem sjúkrahúsprestur hjá Landspítalanum Hringbraut. Ragnheiður hefur einnig starfað með börnum og fullorðnum á sviði einhverfu og þroskaskerðingar. 

Klínísk sálgæsla er stafræn þjónusta sem Ragnheiður býður upp á í gegnum myndsímtöl á netinu. Þjónustan hentar öllum hvar sem er á landsbyggðinni.

Hvað er klínísk sálgæsla? 

• Að sitja með öðrum í þeirra þjáningu eða tilvistarkreppu. 
• Að opna fyrir helga stund til að tala um það sem hvílir í hjartanu. 
• Að opna fyrir samtal með hlustun og blíðri nærveru. 
• Að bjóða upp á andlegar aðferðir til að glíma við streitu, kvíða, þegar við á og einkenni sýna sig hjá skjólstæðingum.
• Að tengja viðkomandi við Guð eða hjálpa öðrum að finna farveg fyrir eigin lífsskoðanir og gildi.
• Að viðhafa fræðslu og helgihald, kyrrðar og bænarstundir, veita sálræna skyndi/áfallahjálp, veita ýmiss jákvæð inngrip inn í mál er varða einstaklinga, skjólstæðinga, fjölskyldur, hópa, stofnanir og fyrirtæki.

Klínísk sálgæsla snýst um að veita skjóstæðingum virka hlustun og að geta létt á hjarta sínu við fagaðila. Ekki er um meðferðarúrræði að ræða heldur samtal þar sem veitt er samúð og hlustun. Hlutverk sálgætis felst í því að vinna með andlegar, trúarlegar, tilfinningalegar og menningarlegar stoðir sem og persónuleg gildi tengdum heilsufari og andlegri líðan skjólstæðinga.